أين النقد البناء المؤدب؟؟؟؟؟؟؟؟؟؟؟؟؟؟

Admin عدد المساهمات : 70 تاريخ التسجيل : 07/02/2010

في البداية أقول لكل من كتبت رد غير مؤدب وغير واعي عن عيوب المنتدى يدل على عدم وجود فكر واعي ومدرك للظروف التي تمر بها إدارة المنتدى بعد الانتهاء من العمل الشاق جدااا في الكنترول وتجهيز الشهادات باإضافة إلى الظروف الصحية التي تمر بها ابنتي الصغيرة.فأنا محتاجة إلى إجازة للراحة من عمل الكمبيوتر المجهد لو بتفهموا.
وأشكر كل من طرحت وأبدت استعدادها لتطوير المنتدى وعلى العموم من تريد أن تشرف على المنتدى بالنيابة عني تقوم بمراسلتي وارسال رقم تلفونها على اميل المدرسة rafahprepgirlsd@gmail.com وذلك للاتفاق على كلمة المرور .

وانا زعلانة كثييييييييييييير من الكلام الغير متوقع من الطالبات المتميزات بنات العائلات المحترمة ياخسارة

مس ايمان شكراً كتير عالموضوع
بس مع خالص احترامي
احنا ما بنعتب عليكِ ا
الله يعينك واحنا عارفين انك مشغولة كتير والكل عندو ضغوطات
بس مع شديد احترامي
ما عينتِ مشرفات مناح
ودينا مرة في السنة بتفوت واحنا حكينا أبل هيك بس ما لأينا رد
وصبرنا بس احنا كمان بشر وبنفأع
يعني ما تحملنا أكتر من هيك
شهر واحنا نحكي وين الإدارة وين ووين ؟؟ وما نلائي مجرد رد ؟؟
بعدين احنا حكينا المنتدى ممل وما بيسلي
بس لو فتتي مواضيع القسم العام
حكينا انو صار حلو والأعضاء بدو يتفاعلو
والمنتدى تحسن وصار حلو
ما أعتقد انك شفتِ هاد الكلام
بس احنا حابين انو المنتدى يتحسن ويتطور لانو بيضل لمدرستنا
وبننتمي الو
وأكيد حنعمل كلنا عشان نخليه أحسن وأفضل
بس الادارة مش حاسة بشعورنا لما نلائي حالنا بس هيك
بنتفاعل وما في حد متابع
عالعموم الي صار صار
ويمكن احنا عصبنا وزهئنا وطلع منا كلام مش حلو بحأ المنتدى
بس أنا بحكي نيابة عن كل عضوة في المنتدى
انو الكلام مش حيتكرر مرة تانية
واحنا بعد الشهادات ما كنا عارفين انو بنوتتك مريضة وفكرنا الشغل انتهى
وصار عندك وقت فراغ
وبنوجه الإعتذار للإدارة إزا زعلتي منا يا مس ايمان
واحنا نعمل عشان نحسن المنتدى
وأنا بتمنى إنو الإدارة تعين افضل المشرفين
وإن شاء الله حراسلك على بريد المدرسة
ويسلمو كتير كتير
كنت بستنى هاد الموضوع من زمان
تحياتي

اهااااااااا
كلام مس ايمان واحلى نغم
مزبوط بس كيف
بتم المراسلة على االبريد
-----------------
وبجد هو نحنا كنا ملانين من الاعضاء والادارة
مو بس من الادارة
يعني معظم الاعضاء عندهم بالكتير 30مساهمة
ما بنع هيكـ الي بدو يدخل بدو يتفاعل ويشاركـ
وما يكون زيادة عدد للاعضاء

بس يا أبلة كمان انتي غلطانة
يعني البنات من أول ما المنتدى فتح
بيقولن وين الإدارة وين الإدارة
و ما حدش بيرد .. وانتي ما عينتي غير مشرفة وحدة
دينا ابو شرخ
وكل الأعضاء حكو إنها بتستحقش هادا المنصب
لانها بتدخلش ومطنشة الدنيا
وفي أعضاء بيدخلو دايما
زي أحلى نغم وSecrit angel
وما فكرتيش تخليهن مشرفات
يعني الواحد غصبن عنو حينجن
المفروض حطيتي مشرفين بيستاهلو المنصب ومن الأول مش بعد ما انفتح المنتدى بشهور
وعنجد كل البنات ا لي بعرفهت بطلن يدخلن
بسألهن ليش ؟؟ بيحكنلي المنتدى مش حلو وفشي حد بيهتم فيه ومن هالكلام
ومع هيك .. برضو ما كانش لازم الاعضاء ينتقدو بشكل هدام
بس هم الهم رأي وحرين فيه
وياريت ما تزعلي
لانو احنا بنضل طالبات وبنتعلم منك

يا xoxo
أوك ، الاعضاء والإدارة غلطانين
بس الي ملاحظة عردك
بلاش تستخدمي كلمة انتي لما توجهي كلامك للأبلة
يعني بتضل أبلتك ومش حلو تحكيلها انتي وما انتي

أحلى نغم كلامك كلو صح
و بنتمنى انو هالاشي ما يصير مرة تانيةو
احنا قبل ما نحكي لازم نراعي مشاعر غيرنا